終於幫自己開左個blog. 一路都想整, 一路都無時間. 整左都唔知可唔可以日日寫...尤其最後呢期個實習好攞命...日日都做到隻野咁....醫療工作o既壓力真係唔講得笑.....

諗左好耐, 應該用英文寫呢? 定係用中文好d. 最後都係決定用番母語. 呢邊用成日用英文, 唔練練中文會唔記得晒.

响yahoo 友緣人上面登左廣告, 希望可以識多d人, 話唔埋識到合適自己的女仔. 成廿幾歲人, 應該為以後諗諗佢...

聽到太多關於拍拖時好差o既經歷, 自己都試過, 拍到好好地, 大家都開開心心, 想談婚論嫁...但偏偏對方家長施壓...咁就散左...個女仔仲搞到要睇心理輔導...何苦呢? 少打電話, 唔點出聲, 話我唔關心佢個女...日日都打, 經常講我o既意見, 又話我愛得好pocessive...想我點呢?

幾經辛苦自己都總算企番起身. 因為呢件事錯折好大, 對自己完全失去信心. 成日都以為問題出在我身上....好多謝呢段時間身邊朋友o既支持 , 等我可以重拾信心...我對愛情o既觀念, 唔會因此改變, 我始終認為, 愛一個人應該要全心投入, 無錯, 可能會好似上次咁, 無啦啦受埋d無謂o既傷害, 但係如果我連愛一個人都唔能夠全心全力, 咁又點算愛? 我又點對得住身邊o既女仔?

希望可以好快咁識到一個對愛情認真o既人....

歡迎各位Messenger上面add我, 我成日都online架...